Новости

Дарагія нашы вучні і мясцовыя жыхары. Паведамляем, што кожную суботу ў нашай установе праходзяць тэматычныя дыскатэкі. Запрашаем усіх добра і цікава правесці свой час! Пачатак дыскатэкі: 18.00. Прыходзьце самі і запрашайце сваіх сяброў!

Нашы спартсмены прыехалі з абласных спаборніцтваў па цяжкай атлетыцы з медалямі. Такім чынам, вынікі: Леташкова Валерыя - 3 месца, Глухоўская Кацярына - 2 месца, Русіна Вікторыя - 1 месца. Віншуем! Мы вамі ганарымся!

Рады паведаміць, што навучэнцы нашай установы Глухоўскі Іван,, Леташкова Валерыя, Глухоўская Кацярына, Малынова Крысціна, Лапіцкі Раман прымуць удзел у абласной спартакіядзе дзіцяча-юнацкіх спартыўных школ па цяжкай атлетыцы сярод юнакоў і дзяўчат да 14 гадоў, якая будзе праходзіць у г. Гомелі. Пажадаем рабятам поспехаў і высокіх дасягненняў! Мы вамі ганарымся!

Паведамляем, што з верасня 2016 года пачаў дзейнічаць абласны віртуальны адукацыйны рэсурс па беларускай мове і літаратуры “Белы ветразь”. Дадзены рэсурс адрасаваны настаўнікам беларускай мовы і літаратуры і мае на сваёй мэце аказаць дапамагу ў пошуку новай інфармацыі пры падрыхтоўцы вучняў да алімпіяды па беларускай мове і літаратуры і ЦТ.
Электронны адрас рэсурса: https://sites.googie.com/site/zvonkayamova/home.

17 верасня прайшла "Школiада" сярод навучэнцаў раёна. Прыемна адзначыць, што нашы навучэнцы занялі прызавыя месцы: Скарасцецкая Вікторыя - 1 месца, Міхалкіна Таццяна - 2 месца, Халяўка Аліна - 3 месца! У выніку наша ўстанова заняла 1 месца ў "Школiадзе" сярод школ раёна! Выказваем асаблівую падзяку настаўніку фізічнага выхавання і здароўя Цiцюку Віталю Уладзіміравічу за падрыхтоўку навучэнцаў да дадзенага мерапрыемства!

ПАЛАЖЭННЕ АБ ПРАВЯДЗЕННІ XXIX КРУГЛАГОДНАЙ СПАРТАКІЯДЫ ШКОЛЬНІКАЎ
БУДА-КАШАЛЁЎСКАГА РАЁНА Ў 2016/2017 НАВУЧАЛЬНЫМ ГОДЗЕ РАЗМЕШЧАНА Ў РАЗДЗЕЛЕ МЕНЮ НАШАГА САЙТА "НАША СПАРТЫЎНАЯ ЖЫЦЦЁ". ПРОСІМ УСІХ ЗАЦІКАЎЛЕНЫХ АСОБ АЗНАЁМІЦЦА З ГЭТАЙ ІНФАРМАЦЫЯЙ!

Сёння, 30 верасня, у нашай установе пройдзе дзень Самакіравання і святочны канцэрт, прысвечаны Дню Настаўніка! Адказныя за правядзенне і арганізацыю свята: навучэнцы 9 класа і класны кіраўнік Астраленка Вольга Васільеўна! Пачатак мерапрыемства: 12.30.

Напярэдадні двух па-асенняму выдатных святаў Дня Настаўніка і Дня Пажылых людзей ПА ГА "БРСМ" праводзіць акцыю "Клапоцімся аб ветэранах педагагічнай працы і пажылых людзях". На працягу ўсяго святочнага тыдня члены першаснай арганізацыі наведваюць ветэранаў і пажылых людзей, аказваюць ім неабходную дапамогу і віншуюць з надыходзячымі святамі. Самыя актыўныя ўдзельнікі акцыі будуць узнагароджаны на школьнай лінейцы Дыпломамі ад сакратара ПА ГА "БРСМ" Гароднай Н. І.

Дарагія навучэнцы! Да 10 кастрычніка 2016 года ў нашай установе праходзіць акцыя "Збяром макулатуру - захаваем дрэва". Просім ўсіх прыняць удзел у правядзенні акцыі!!! Падзяка самым актыўным удзельнікам будзе размешчана на старонках нашага сайта, а пераможца атрымае салодкі прыз асабіста ад Адміністратара сайта і кіраўніка школьнага лясніцтва Гароднай Н. І.! Захаваем прыроду разам!

Народна-патрыятычная акцыя Федэрацыі прафсаюзаў Беларусі «Мы – разам!» пройдзе ў г. Буда — Кашалёва. Урачыстае ўшанаванне працоўных дынастый раёна, ветэранаў прафсаюзнага руху з уручэннем падарункаў ад прафсаюзаў адбудзецца 29 верасня 2016 года у 15-00 на цэнтральнай плошчы г. Буда — Кашалёва. У рамках акцыi выступяць фіналісты конкурсу працоўных калектываў «Новыя імёны», аматарскія калектывы мастацкай творчасці, зоркі беларускай эстрады. Канцэрт прымеркаваны да Дня пажылога чалавека.

Адміністрацыяй НДООЦ "Зубраня" выдзелена 10 напрамкаў для ўдзельнікаў санаторна-аздараўленчага атрада з абавязковым комплексам медыцынскіх паслуг з 09.10.2016 па 26.10.2016:
- навучэнцы 10 класа - 3 чалавекі (з 08.10.2016);
- навучэнцы 8 класа - 3 чалавекі;
- навучэнцы 9 класа - 4 чалавекі.
Памер бацькоўскай даплаты складае 60,12 рублёў (11-13 гадоў), 63 рубля (14-18 гадоў). Дадаткова аплачваюцца медыцынскія паслугі (ад 50 да 90 рублёў). Звяртаем увагу, што дзецям, у якіх маецца пасведчанне пацярпелых ад катастрофы на Чарнобыльскай АЭС і іншых аварый, медыцынскія паслугі прадастаўляюцца бясплатна.

Раённы цэнтр гігіены і эпідэміялогіі, вяртаючыся да прайшоўшага Дня прадухілення самагубстваў, нагадвае: прычыны суіцыдальных паводзін шматстайныя. Вялікае значэнне належыць сацыяльна-псіхалагічным фактарам: парушаныя дзіцяча-бацькоўскія і партнёрскія адносіны, адзінота. Пускавымі фактарамі могуць стаць канфлікты, страта працы, крымінальная адказнасць, смерць блізкіх, развод, фінансавыя страты – адным словам, цяжкія крызісы. Да таго ж псіхічныя засмучэнні, г. зн. дэпрэсія, залежнасць ад псіхаактыўных рэчываў (алкагалізм і наркаманія), засмучэнне асобы, а таксама цяжкія хранічныя захворванні: анкалогія, ВІЧ-інфекцыя, страта органа і інш. Як факт, многія самагубствы адбываюцца ў перыяд паляпшэння, калі ў чалавека з'яўляецца дастаткова энергіі і волі, каб звярнуць адчайныя думкі ў рашучыя дзеянні. У Гомельскай вобласці экстранную псіхалагічную дапамогу па «тэлефоне даверу» аказваюць спецыялісты Гомельскага гарадскога цэнтра сацабслугоўвання сям'і і дзяцей – 170 (кругласутачна). Псіхалагічную дапамогу можна атрымаць у аддзеле грамадскага здароўя абласнога ЦГЭ і ВОЗ па тэл. 8 (0232) 75-77-64 і Цэнтры памежных станаў, лекары-псіхатэрапеўты якога вядуць прыём у дыспансерным аддзяленні абласной клінічнай псіхбальнiцы і ў філіялах паліклінік горада (падрабязная інфармацыя па тэл. 8 (0232) 35-62-73, а таксама ў службе экстранай псіхалагічнай дапамогі «тэлефон даверу» 8 (0232) 35-91-91 (кругласутачны)).

Паважаныя навучэнцы 10 класа! На нашым сайце створаны пункт меню "Расклад заняткаў міжшкольнага факультатыва", у якім кожны тыдзень будзе размяшчацца графік правядзення факультатываў. Сачыце за зменамі!

23 верасня 2016 года ў в. Бушаўка пройдзе святочнае мерапрыемства, прысвечанае дню Вёскі. Запрашаюцца ўсе жыхары мясцовых вёсак, а таксама ўсе навучэнцы і педагогі ўстановы адукацыі. Прыходзьце! Будзе весела!!! Пачатак: 16.00.

Сёння ў нашай школе ва ўсіх быў яркi iсвяточны настрой, так як навучэнцы разам з педагогамі святкавалі Міжнародны Дзень Міру. Асабліва яркімі момантамі дадзенага свята сталі: выраб папяровых галубоў, маляванне на асфальце, спартыўнае свята для пачатковай школы "Мы за мір ва ўсім свеце". Асаблівую падзяку хацелася б выказаць нашым педагогам Алейнiкавай Іне Васільеўне, Цiцюк Віталю Уладзіміравічу, Ройт Марыне Мікалаеўне за стварэнне святочнай атмасферы.

З мэтай павышэння ўзроўню інфармаванасці моладзі, па прапагандзе здаровага ладу жыцця, прафілактыцы захворванняў, захаванні і ўмацаванні здароўя ў перыяд з 19 па 23.09.2016 ў нашай установе праходзіць Тыдзень здароўя пад дэвізам «Моладзь. Здароўе. Лад жыцця». У гэты перыяд арганізаваны і праводзяцца мерапрыемствы, прысвечаныя Тыдню здароўя.

Прыемна адзначыць, што спорт для нашых навучэнцаў-гэта не толькi любiмы занятак. Спартыўнае жыцце нашай установы прыносiць усе новыя i новыя ўзнагароды. Так, нашы навучэнцы прынялi ўдзел у асеннім кросе, дзе былi ўзнагароджаны дыпломам за 1-ае месца ў 28 спартакіядзе навучэнцаў 2015/2016 навучальнага года. Прымiце нашы вiншаваннi.

Заданні для правядзення адборачнага этапу алімпіяды школьнікаў Саюзнай дзяржавы «Расія і Беларусь: гістарычная і духоўная агульнасць» размешчаны на сайце Міністэрства адукацыі Рэспублікі Беларусь.

У перыяд з 15 па 18 снежня 2016 года ў МКСК "Арэна" пройдуць прэм'ерныя паказы мюзікла "Кармэн".

13 верасня на тэрыторыі ўсёй нашай Радзімы адзначалася важнае свята - Дзень Нараджэння БРПА. Наша школа не стала выключэннем. Пад кіраўніцтвам педагога-арганізатара Ройт. М. Н. была праведзена святочная лінейка, прысвечаная гэтай значнай даце.